صور الدوامة
شق الصبح جناح الضلمة
وقام
وغسل وشه بضى النور
خد من حضن الشمس العافية
وركب فرسه
لف شوارع عرقه
وحفظ اسم ولاده
وعبى شقاه
ما هو كان عارف
اللى وراه وبيستناه
سن سيوف التعب الحانى
طبطب على حلقه الجافى
ونوى أنه يزيل من همه
بكوب الشاى
اللى مدوب فيه أحلامه
وتاريخه الجاى وقت الراحة
ودخل عشه
بص ف جوا مرايه وشه
لمح العمر بيجرى ف رجله
لملم أطرافه وفكره
من فوق صدر الدوامة
سلم أمره لصاحب أمره
ونام
ونام
ونام
ليست هناك تعليقات:
إرسال تعليق