حوا الخير
لساك خايف
لساك حالف على قلبك
ما يحسش
بوجود حوا
ولا يتلوى
على نار المجذوب والجاذب
قلبك كاذب
حيقاوم فى مشاعره شوية
لكن عمره ما حيكون حازم
لو حوا صرخت ف كيانه
وبدرت فى حنانها لوجدانه
حيجرى عليها
لأنه مش حاسس بأمانه
إلا فى ضل وسر عينيها
وحضن وجودها اللى حواليها
مهما حتحلف
حوا السكن الدائم ليك
هى النجم
الشمس
الزرع
هى الأم ـ الدم
الكيف والكم
هى الأمل
حوا الخير حواليك
ليست هناك تعليقات:
إرسال تعليق