قلبك كبير
"إهداء إلى أخى الصغير صاحب القلب الكبير"
يا واحة الكلمة
باقية عيون الضى
لسه الجمال باقى
وسط الزمان الحى
قلب الحياة قلبك
والرقة والإحساس
طيب يا ذوق طبعك
وغير بقية الناس
طمنتنى ع الوطن
طالما فيه زيك
شقشق ف عينى الأمل
مبدور على قدك
شوق المودة صفا
معنى الأخوة عفا
صفصافة فى يومنا
ومدارى لشجونا
والاغتراب والزيف
يا كلمة حد وسيف
ع الكون
وع الأوراق
لمى نسيم الطيف
وحوليه أشواق
طمنتنى ع الوطن
طالما فيه زيك
ليست هناك تعليقات:
إرسال تعليق