أحنا العرب
كل شئ متقن
وجاهز للتحدى
والتعدى والتصدى
للمناقشة والوضوح
كل حرف مشبكينه
بالتروى والتجلى
اللى مالوش
ف الوشوش
غير وجه واحد
يا وشوش شبه الوحوش
ياعد وما يكفهوش
نار الوطن
لوعة صدور
ودموع طفولة
ع القبور
شباب يدور
بين السلاح
واجب كفاح
أحنا العرب
نور الحضارة والسنين
متوجين باسم الإله
وأن كنتوا فاكرين أنكم
نجم ف علم
أحنا نجومنا ف السماء
أحنا العزيمة
والتوحد الأصالة
عنوان الحياة
ومهما كان ف اللحظة خوف
بتحفروه بين الظروف
أحنا عرب
كل الحماس بنجمعه
جوه القلوب
دا الماضى بينا أتولد
ويا التراث ويا الجدود
أحنا اللى عدينا السدود
وحفرنا ف الصخور الوجود
وأرضنا دى عرضنا
حكمة جدودنا وأهلنا
وأرضنا دى فرضنا
فداها روحنا ودمنا
مكان ولادنا وعمرنا
أحنا العرب
أحنا الحياة
متوجين باسم الإله
ليست هناك تعليقات:
إرسال تعليق