تحدى
من فوق البرج العاجى
م القمة طل عليا
شاف إصرار جوا عنيه
علق على باب قلبى تحدى
أصل أنا عناديه
فوق الحد وفوق الطاقة
رغبتى غزو فضاء الآهة
لحظة حميمة
شايفة رغيفى
وجوعى وعايشه
مستنيه الصحوة الدايمه
أنا مش نايمه
بس الرفض مهاجر وقتى
جايه أتفرج
وأبدى برأيى
وقت ما ألاقى بقوة إرادتى
تفجر صمتى
تشق الآهة
وتعلن اسمى
فوق القمة
أصل يا قلبى
أنا عاشقة تحدى
أنا عاشقة تحدى
ليست هناك تعليقات:
إرسال تعليق